طارط بالكريمة

طارط بالكريمة :
المقادير:
الكيك:
٥ بيضات +كاس زيت + كاس سنيدة دالعنبة + كاس الحليب + ٢خمارات + ٣ كيسان الدقيق عينكم ميزانكم.
الكريمة:
٥ كيسان عنبة عصير البرتقال+ ٣ معالق كبار زبدة لينة +٥ معالق كبار سنيدة+ ٦معالق كبار دقيق .
الطريقة:


في الخلاط الكهربائي كنديرو البيض و سنيدة و نخدموالخلاط و كنزيدو الزيت و نزيدو الحليب و الدقيق و الخمارات و كنخلطو مزيان و نخويوها فالمول مدهون بالزبدة و مرشوش بالدقيق (المول اللي فالصورة) و ندخلوها الفران (درجة الحرارة ١٨٠ْ).
طريقة تحضير الكريمة :
كنديرو المقادير كلها في كاصرول من غير الزبدة و كنخلطو بالخلاط اليدوي و نديروها على نار مهيلة بحال طريقة الكريم باتيسيير.
بعد مانخركو الكيك من الفرن كانقلبوها و كانخويو نص د الكريمة فالثقب د الكيك و كنديرو أي فاكهة متوفرة عندنا و نخويو النص الثاني د الكريمة و كنزيينوها بالكيوي و الفريز ولا أي فاكهة بغيتو. و البصحة والراحة.